Tremendo kampeonato ku partisipashon di kasi 80 hoben

Wikènt tras di lomba, Kòrsou tabata anfitrion di alrededor di 60 hoben for di Aruba, Bonèiru, St. Maarten, kendenan huntu ku Kòrsou, a kompetí den basketbòl i vòlibòl, skol di fundeshi i skol avansá mucha muhé i mucha hòmber.

Mester bisa ku Inselair Interinsulair tabata un éksito total. Weganan a kuminsá djaweps atardi, siguí pa djabièrnè henter dia i terminá djasabra atardi. Djabièrnè tabatin e apertura ofisial, kua a keda transmití pa TeleCuraçao. E seremonia aki a konta ku un tremendo presentashon di Cirque Magique, siguí pa partido di vòli entre Aruba i Kòrsou. Pa loke ta e parti di klousura, Mason i Chaika a entretené tur presente ku nan hitnan, pa djei pasa pa e parti di premiashon, unda ku nos Miss Curaçao Kanisha Sluis huntu ku nos Miss Teenager a hasi entrega di premio.

Pa loke ta e premiashon mes, Kòrsou a sali kampeon di vòlibòl, mientras ku St. Maarten a keda kampeon pa basketbòl. Most Valuable Players a sali Maxime Jamaloodin i Ismael Gumbs.

Via di e página di Facebook di FDDK(facebook.com/FundashonDesaroyoDeportivoKorsou) bo por haña un bista fotográfiko di Inselair Interinsulair 2016. Aworaki nos ta pendiente pa sigui ku kampeonato interinsular na aprel próksimo na Aruba i Bonèiru.