E fin di siman aki

Manera ya ta ampliamente konosí, nos hobennan tabata na Aruba fin di siman tras di lomba pa representá Kòrsou den weganan interinsular na Aruba unda nan a kompetí den e disiplinanan di atletismo i futsal. Pa loke ta resultado, den futsal nos a keda na di 3 lugá, mientras ku den atletismo nos a bari ku premio. Mester remarká ku den atletismo, e hoben Riesmarly Tokaay a sobresalí, ganando tur su kompetenshanan ku fasilidat for di su kontrinkántenan; spesialmente riba 600 meter el a duna un kátedra. Den kampionato regular, el a sali MVP tambe. Un  hoben sigur ehemplar, hopi bon eduká. Remarkabel ta ku e lo forma parti tambe di e delegashon ku ta sali awe pa Bonaire. E damitanan di Mgr. Wim Ellis lo representá nos den futbòl, mientras ku esnan di Kolegio Erasmo lo hasi esaki den vòlibol femenino, bou di guia di e propio kabes di skol sr. Eugène Jansen. E delegashon di Kòrsou ta sali awetardi ku nos kompania nashonal Inselair pa Bonaire! Eksito na #TeamKorsou!!