Willemstad.- E avion mas nobo di Arke a yega Kòrsou ayera merdia. Aeropuerto Hato a prepara i tabata den ambiente total pa duna un gran resepshon na e avion aki. Bomberonan a duna e ‘Dreamcatcher’ kual ta nomber di e avion un kaluroso baño di bon bini. Paden tambe a risibi e personal di kabina i pasaheronan di forma kaluroso manera Kòrsou so por. Arke ku antes tabata mas konosi bou di e nomber ArkeFly tin basta tempu ta bula e ruta mid-atlantiko i ku bon resultado. Mas i mas nan ta adapta na e merkado pa asina komplase e kliente ku finalmente ta e rei. Ayera pues e prome Boeing 787-7 di Arke a pisa suela di Kòrsou.