Ban kana huntu i kontribuí na un futuro positivo pa nos muchanan

WILLEMSTAD – E aña aki Kooyman ta selebrá su di 75 aniversario. Komo parti di e selebrashonnan ku Kooyman ta realisá pa su personal, su klientenan i komunidat en general, djadumingu 17 di ougùstùs Kooyman ta organisá un kaminata yamá ‘Celebration Walk’. Fondonan rekoudá ku e evento deportivo aki ta bai pa e tres organisashonnan sosial; Ronald McDonald Charity House Foundation Curaçao, Stichting Jeugdzorg í Stichting Prinses Wilhelmina Fonds. E deseo di Kooyman ta pa  nos hubentut, (ku ta nos futuro) partisipá masalmente na e ‘Celebration Walk’. Pa e motibu aki Kooyman ta ofresé un deskuento di 50% riba tur T-shirt pa mucha durante e fin di siman di 8, 9 i 10 di ougùstùs. E kaminata aki ta tuma lugá djadumingu 17 di ougùstùs 2014 i lo kuminsá 6.30 a.m. riba e sitio di parker di Kooyman Megastore. Lo tin un warm-up ku Zumba i músika di DJ RO1. E ‘walk’ mes ta kuminsá 7 or di mainta en punto. Tin un ruta kòrtiku di 5.7 KM: ku ta inisiá na Kooyman Megastore pasa via Emancipatie BLVD – Schottegatweg Zuid – Ontarioweg – Nieuwe Caracasbaaiweg – Dr. Maalweg – Bapor Kibrá i ta terminá na BLVD Seaquarium. Tambe un ruta mas largu di 7.5 KM: Ku ta inisiá na Kooyman Megastore pasa via Emancipatie BLVD – Schottegatweg Zuid – Ontarioweg – Nieuwe Caracasbaaiweg – Caracasbaaiweg – Anasaweg – Amandelweg – Koraalspechtweg – Bapor Kibrá i ta terminá tambe na BLVD Seaquarium. Durante di e kaminata lo tin entretenimentu di Universal Brass, miéntras ku DJ RO1 lo perkurá pa un klousura festivo na BLVD Seaquarium. Kooyman ta invitá tur hende djadumingu awor 17 di ougùstùs pa selebrá su di 75 aniversario i pa kana huntu pa rekoudá fondo pa e fundashonnan ariba menshoná. E instansianan aki tin bienestar di nos muchanan na pechu i ke brinda kada unu na su manera un futuro. Esaki ta un kousa noble ku Kooyman ta apresiá inmensamente. Pa partisipá na e kaminata, por kumpra T-shirt pa e ‘Celebration Walk’ na filialnan di Kooyman na Sta. Rosa, Sta. Maria i Zeelandia. E T-shirt-nan ta kosta 20,- florin pa adulto i temporal tin un oferta pa T-shirt pa mucha na rason di Naf. 5,-. E oferta aki ta bálido di 8 pa 10 di ougùstùs. E T-shirtnan ta bini den un ‘goodie bag’ pa nos hasi e Celebration Walk unu hopi festivo.