Willemstad – 24 juli 2014. 20 di Novèmber benidero, Kooyman ta selebrá su 75 aniversario i pa e okashon speshal aki, Kooyman ta organisá un kaminata asina yamá ‘CelebrationWalk’ pa selebrá e
momentu asina festivo huntu ku su fiel klientenan i empleadonan. Alabés Kooyman lo duna un aporte na 3 organisashon sosial kual ta Ronald Mc Donald Charity House, Stichting Jeugdzorg í tambe Stichting
PrinsesWilhelmina Fonds. Tur tres organisashon tin e bienestar di nos muchanan, ku ta nos futuro di mañan, na pechu í kada un ta kontribuí na nan forma ku esaki. Kooyman ta haña sumamente importante di por kontribuí, espesialmente ku e instansianan aki ku ta traha inkansablemente aña tras di aña pa nos muchanan. Den kuadro di su 75 aniversario Kooyman a partisipá í kontribuí durante henter aña na diferente aktividatnan í fundashonnan. “Awor ku e fecha grandi ta aserkando, nos ta haña importante pa selebrá e momentu festivo huntu ku nos fiel klientenan i empleadonan i pa nos estrechá lasonan di lealtat y amistat ku esnan ku a kontribuí ku nos durante añanan, a la bes nos por hasi un kontribushon extra na e 3 organisashonnan ku nos a selektá”, sigun Sra Judith Timber, Senior Manager HR di Kooyman. E CelebrationWalk lo tuma lugá dia 17 di Ougùstùs ku un warm-up 6:30amkual lo ta na enkargo di Charlyne Balentina di e team Fitness Madness huntu ku DJ RO1, siguí pa e start kual lo ta 7.00amna Kooyman Megastore Zeelandia. Lo tin un ruta kòrtiku di 5.7KM I unu largu di 7.5KM. E ruta kòrtiku di 5.7KM ta: KooymanMegastore – Emancipatie BLVD – Schottegatweg Zuid – Ontarioweg – Nieuwe Caracasbaaiweg – Dr.Maalweg – Bapor Kibrá í ta kulminá na BLVD Seaquarium. E ruta largu di 7.5KM ta: Kooyman Megastore – Emancipatie BLVD – Schottegatweg Zuid – Ontarioweg – Nieuwe Caracasbaaiweg – Caracasbaaiweg – Anasaweg – Amandelweg – Koraalspechtweg – Bapor Kibrá í ta kulminá na BLVD Seaquarium. Durante e walk e partisipantenan lo wòrdu animá dor di Brassband Universal Brass i na final di e ruta ora ku jega BLVD Seaquarium Beach, lo tin e
selebrashon festivo ku DJ RO1. Kooyman kier invitá henter pueblo di Kòrsou pa bin selebrá huntu ku n’e í e 3 organisashonnan Ronald Mc Donald Charity House, Stichting Jeugdzorg í tambe Stichting PrinsesWilhelmina Fonds. E CelebrationWalk T-shirts ta na benta na nos tres filialnan kualnan ta Kooyman Sta. Rosa, Kooyman Sta. Maria i Kooyman Megastore, for di dia 24 di Yüli. E t-shirtsnan ta kosta ANG. 20,- pa adulto i ANG. 10,- pa mucha i ta bin den un goodie bag huntu ku un fluit pa nos por selebrá e kaminata aki festivamente. Ban selebrá 75 aña di Kooyman durante nos CelebrationWalk!