Nos ta trahando kontinuamente duru na nos Megastore nobo pa asina nos por habri promé ku fin di aña. E frònt di e edifisio a kuminsá haña su forma definitivo pa asina e logo por wordu instalá pa fin di e luna aki. Durante di e Preview Party ja tabata posibel pa wak e parti interior di e Megastore kual awor a haña un suela bunita di Bolidt, tambe sprinklers I airco. Nos tim di Kooyman a intalá tambe kaba un gran mayoria di e rekinan pa asina esakinan por wordu yená ku merkansia. Ta bayendo hopi líhe, pero ainda tin hopi mas pa hasi pa asina nos por segurá nos klientenan di e servisio I eksperensia manera nan ta kustumbrá di nos.

Pa bo keda na altura di e konstrukshon bo por bishitá Facebook òf e página di Internet di Kooyman.