E produkshon di e propaganda di Kooyman promoviendo su fèrf K-Paint, tabata e inisio pa sostené e proyekto di Street Art Skalo. E konosí I renombrá artista Francis Sling tabata tin un muraya na su disposishon pa krea un ‘mural art’. K-Paint ta konosí pa e echo ku e ta un produkshon lokal di Global Paint ku ta hasi e fèrf ideal pa nos klima Karibense. Banda di esei K-Paint ta disponibel den tur kolo imaginabel. E kombinashon perfekto pa e reto aki!

‘Nos ta super orguyoso di e resultado. E ta un obra di arte maestral den un área ku poko poko ta birando un hoya pa nos sentro di siudat. Tur esaki produsí pa nos artista lokal ku nos fèrf lokal,’ Tanja Boon Marketing manager ta terminá. ‘Nos bisiñanan tambe tin e oportunidat di disfrutá di e beyesa aki paso e propaganda tambe por ser mira na Aruba, Boneiru I St Maarten.’