WILLEMSTAD — Dia 14 di yanüari último, na sede di Konsulado di Repúblika di Venezuela a tuma lugá e promé reunion di trabou, den kuadro di selebrashon di Karnaval 2015 na Kòrsou. E aña aki e mishon Venezolano pa loke ta trata aktividatnan karnavalesko aki na Kòrsou, ta promoshon di rèspèt i toleransia ku mester tin den mundu, kaminda e diversidat kultural i preservashon di nos planeta lo ta sentral. Ta bon pa informá ku e organisashonnan di kual Konsulado di Venezuela na Kòrsou ta ofresé un espasio pa pone stent riba su tereno ku ta keda na Santa Helena pa wak marchanan di karnaval, mester ta unu ku mester ta na benefisio di  Internatnan i kas di Hende grandi. Esaki ta  komo parti di e trabou sosial, ku e mira pa duna bek komo un sosten na e muchanan i tambe hendenan grandi ku ta den institutonan manera menshoná ariba. E reunion ku a tuma lugá na Konsulado Venezuela, a konta ku presensia di representantenan di entre otro Refineria Isla, Jansen de Jong, ZAP, Distribier, Rumbera Network i Famia Plania.  E reunion a keda presidí pa e outoridatnan di Konsulado di Venezuela na Kòrsou i a konta tambe ku presensia di direktor di Refineria Isla.