WILLEMSTAD —  Mayan djamars, Freewinds ta ofresé un konsierto grátis pa pueblo di Kòrsou promé ku nan bai Colombia pa algun siman. Durante di e konsierto aki lo tin presentashon di e artista lokal Julius Andrew i tambe e kantante internashonal Brenda Cifuentes. Ta trata aki di dos kantante ku no tin mester di ningun klase di introdukshon. Julius Andruw ta un kantante lokal ku a biba hopi aña na Boneiru, kaminda ela kosecha hopi éksito kantando Ranchera. Tambe Julius Andruw ta ganadó di e promé Festival Un Kanto pa Kòrsou. Brenda Cifuentes ta un kantante regular riba Freewinds ku tur esnan ku a haña oportunidat pa mira e kantante aki presentá, a keda sumamente enkantá pa su manera di kanta. E konsierto aki ta unu grátis. Un i tur ku ta interesá mester presentá kaminda Freewinds ta mará pa mas tarda 7:45  pm ya ku e konsierto ta kuminsá eksaktamente na ora. Dal bo paña nechi i bai disfrutá di un tremendo konsierto grátis na bordo di Freewinds, promé ku nan bai Colombia pa algun siman.