WILLEMSTad – Djamars dia 5 di november lo bai tin un presentashon di WESU jazz krioyo riba e barku Freewinds. E anochi ei lo bai tin ritmonan krioyo manera: tumba, seu,i salsa antillana i ritmo kombina ku un bachi di jazz. Entrada di e konsierto aki lo bai pa e fundashon ‘Together’ ku tin meta pa juda hoben ku problema pa falta di atenshon di major nan despues di skol. E aktividat nan ku e fundashon ta ofrese e hoben nan despues di skol ta entre otro; kuminda i transporte pa kas, gia ku huiswerk, siña norma i balor i tambe rekreashon manera deporte i arte. Lo bai tin diferente musiko invita entre otro; Farley Lourens. Tambe e drummer John Politakis i e kitarista Patrick Zagury di e orkesta di Freewinds lo toka algun piesa ku WESU. E sobra integrantenan di Wesu jazz krioyo pa e dia ei ta riba trombon: Hector Sampson, Ron van Twuijver, Juni Bernadina, Giovanni Atalita, i Cedric Sillè. Perkushon: Otmar Josephina, Raynold NG, Chariton Thodè. Piano: Gio Maduro.  Bas; Ernesto Paz. Vokal:  Junior Alves i Amanda Pang. Un invitashon ta bai pa un i tur presensia e anochi aki dia 5 di november 2013 riba Freewinds i disfrutá di jazz krioyo bibu. E aktividat ta kuminsá 8 or di anochi. No pèrdè e oportunidat aki. Entrada ta fl. 15, =. Pa karchi por jama 6985597.