Apertura di Aña Eskolar 2018-2019

WILLEMSTAD – Durante un seremonia solèm ku a tuma lugá riba 15 di ougùstùs último na Kolegio Alejandro Paula (K.A.P.), Gobièrnu di Kòrsou den kompania di famia, amigu, dosentenan i alumnonan a konmemorá Professor Dr. Alejandro (Jandi) Paula (q.e.p.d.).
Huntu a selebrá bida di Professor Dr. Alejandro (Jandi) Paula i a para ketu na e legato balioso ku Professor Dr. Alejandro (Jandi) Paula a laga atras.

Enfoke di Professor Dr. Alejandro (Jandi) Paula semper tabata “integridat”. Ta importante pa semper nos hasi lo korekto, asta na momento ku no tin ningun hende ta wak. Integridat ta forma karakter. Esaki tabata filosofia di Professor Dr. Alejandro (Jandi) Paula segun sra. Melanie Paula (yu di Professor Dr. Alejandro Paula).

Minister di Enseñansa, Siensia, Kultura i Deporte, sra. Marilyn Alcalá-Wallé ta ekstendé su kondolensia na famianan, amigunan i maestronan di Professor Dr. Alejandro (Jandi) Paula. Alabes Minister Marilyn Alcalá-Wallé a deseá hinter e tim di skol i e alumnonan un aña eskolar fruktífero. Tambe ela informá e skol ku nos ta biba den un ambiente dinámiko kaminda konstantemente tin kambio i ku e kambionan aki ta trese konsekuentemente kambio tambe riba diferente nivel na e tipo di enseñansa HAVO/VWO.

Finalmente e mandatario a enkurashá alumnonan di Kolegio Alejandro Paula pa drenta e aña eskolar determiná pa asina nan alkansá nan metanan pa aña eskolar nobo ku a start awe.