Den e era digital den kua nos ta pasa hopi tempu komunikando ku otro online, interkambio personal ta mas importante ku nunka. Pa tin interkambio personal hopi hende ta bai eventonan di network. E problema ku e format tradishonal di eventonan di network ta ku mayoria hende ta kòmbersá solamente ku personanan ku nan konosé i nan ta bai sin krea konekshonnan nobo. E evento Network After Work ke trese un kambio den esaki.

Curaçao Afro Productions ta invitá tur empresario, komersiante, profeshonalnan, i gerente, ku ta interesá den krese nan konekshon profeshonal òf ke krea rais mas fuerte den nos komunidat empresarial, bin e lansamentu di Network After Work. E lansamentu lo tuma lugá Djárason awor, 8 di Augustus, 5.30 pm despues di trabou den un atmósfera trankil na Avila Beach, Schooner Bar. Entrada ta grátis. Djis duna e hostess bo business card i lo bo tin akseso grátis na Network After Work.

Na e lansamentu di Network After Work, Minister Steven Martina lo trese un speech, lo tin seksonan kòrtiku pa e oudiensia sera konosí ku un empresa i e oudiensia lo haña vários oportunidat pa interkambiá ku profeshonalnan ku nan konosé pero tambe krea konekshonnan nobo. E ganador di award, kompositor, kantante, i artista Aemy Niafeliz, lo deleitá e públiko ku músika dushi ku lo laga tur hende relaga, pasa bon i konektá ku otro.

A jega momento pa sali for di bo kantor, laga e kòmpiuter un ratu i topa hendenan nobo ku ta interesá pa interkambiá idea i tambe pa disfrutá. Bin krea konekshonnan nobo den un atmósfera dushi na Network After Work.