Djasabra awor 10 di sèptèmber e kandidatanan pa Miss Kòrsou lo ta den kompetensha pa “Best National Costume”. Coridja Stars Productions pa promé biaha e trese e kompetensia aki kaminda ta brinda e oportunidat na diferente diseñadó pa trese nan fantasia i kreatividat den un trahe ku mester tin algu ku ta identifiká Kòrsou  kuné.

E idea ta ku e trahe ganadó lo bira esun ku nos Miss Kòrsou lo presentá kuné komo National Costume den e sertámen di Miss Universe aya na Phillipinas próksimamente. E aktividat aki awor lo tuma lugá na Sambil den e Conference room i kos lo kuminsa mitar di ocho enpunto kaminda lo bai tin un anochi den esfera kultural. Karchinan pa e magno evento aki ta kosta fl. 90,-  ku ta inkluí tres drinks i dos snèk i ta optenibel na ofisina di Coridja Stars Productions entre 1 or pa 5 or atardi i tambe serka e kandidatanan. Esaki ta un evento ku bo no tin mag di pèrdè, pues nos ta konta ku tur fanatikonan di Miss Kòrsou lo buska nan karchi pa bin sostené tantu nos diseñadónan i nos beyesanan den e presentashon aki.