Willemstad – Entrante promé di yanüari KLM Dutch Caribbean a sera un seguro di kuido kolektivo na ENNIA pa su empleadonan i nan famia na Kòrsou, Aruba i St Maarten. Ku e pakete trahá kompletamente na midí akí, empleadonan di KLM tin un kobertura amplio ku ta enserá entre otro medisina alternativo i kuido preventivo. “E eskoho pa ENNIA ta hasi posibel ku KLM por ofresé un pakete amplio na su empleadonan, loke ta kuadra den un tempu kaminda KLM ta enfoká riba efisiensia.”, sigun mènedjer regional di rekurso humano Edmina Strickx.

ENNIA ta yama KLM Dutch Caribbean bon biní, ku bista positivo riba un bon relashon basá riba bon koperashon.