“Hopi hende ku tin un pregunta pa nos ta bira kue telefon yama, tanten ta mas sabí i lihé pa djis èp òf chèt un ratu.” Sigun Patrick Thissen di ENNIA den nos bida privá ta e kos mas normal di mundu pa manda un èp òf un mensahe di Facebook via Messenger. “Pero ora un hende tin un pregunta por ehèmpel pa gobièrnu, un kompania òf instansha, hopi bia nan ta skohe pa yama telefon. Tanten den kasonan asina tambe nan por usa medionan sosial.”

Sigun Patrick yama telefon hopi bia ta kosta mas tempu. Por ehèmpel pasó tin un tempu di espera, òf pasó mester buska e kontesta riba bo pregunta. P’esei na ENNIA nos a kuminsá un akshon pa mustra nos klientenan e fasilidat di medionan nobo manera chètmentu, èpmentu òf Facebook.”

Epmentu i chètmentu ta tuma lugá di yamamentu.

“Nos ta den un fase di transishon. Meskos ku mandamentu di karta via pòst pa un parti a disparsé kaba, asina yamamentu di telefon tambe lo bira kada bia ménos. Djis opservá hendenan mas hóben. Gran parti di dia nan ta online kaba. Chèt un ratu ta normal. Nan ta hasié meimei di nan otro aktividatnan. Nan no tin gana di sinta warda ora nan yama telefon. E tendensha akí ta birando ora pa ora mas fuerte. Medionan sosial ta muchu mas fásil. Wak kuantu nos ta èp den nos bida privá. Esaki nos ta bai hasi mas tantu ku kompanianan tambe.”

ENNIA ta sigui e tendensha akí kompletamente, ku kanalnan rápido i mensahenan di teksto kòrtiku. Asina riba ENNIA.com tin un funshon di chèt bibu. “Pa pregunta via medionan sosial nos tin un tim spesial di webcare pará kla. Ta un tiki drùk? Mester buska algu? Turesten bo por sigui gewon ku bo otro aktividatnan. E kontesta ta yega serka bo di mes.” Sigun Patrick chètmentu òf èpmentu ta sinti manera kontakto personal. “E idioma ta vlòt i kordial. Si hasié bon e hendenan ta gosa di dje.”