Un exploshon di ambiente tabatin djadumingu anochi na e beach di Blue Bay Curaçao Golf & Beach Resort. Prome bia ku Blue Bay ta organisa un concierto asina grandi na nan beach. I e ambiente tabata hopi bon! E konosido grupo Trafassi a reinventa e konosido kantika Wasmasjien di nos artista local Macario Prudencia. 35 ana pasa Trafasiie a pone e mesun kantika den un bachi nobo I esaki a bira un hit international yama: Kleine wasjes,Grote wasjes.

E grupo Trafasi a kuminsa den e ana 1981 I bou di influensha di diferente pais I hende mane: Edgar Bugru Burgos esaki a pone ku e grupo  a sobresali. I ku tur e hit nan Famoso mane: Banana, Waka Waka, Leba Joeroe, Contabai Swa, Pum Pum Sexy Boody etc etc.  Asina Blue Bay tambe a pone tur presente rekorda e tempu dushi di antes I disfruta di tur e hitnan grandi di Trafasi! Un bia Trafasi, semper Trafasi I kaminda Trafasi ta tin Fiesta! 

Blue Bay kiera gradisi tur su partnernan, konosi I amistatnan ku a yuda pa realisa e evento aki!