WILLEMSTAD –Djasabra último e kampaña fantástiko di Volkswagen Curaçao a kulminá ku un felis ganadó di un Polo 2019 nobo nobo, den persona di Kisiandra Vrutaal. E rifa a tuma lugá durante di Hak’e Curaçao Jump-in Festival ku tabata e jump-in mas grandi di nos isla e aña aki.

Ta notabel ku Kisiandra tabata sumamente felis i kontentu ora a bira konosí ku ta e a gana e Volkswagen Polo. Djarason tras di lomba el a risibí e yabinan di su Polo ofisialmente na e ‘showroom’ nobo di Volkswagen situá na Seru Loraweg. Aparte ku el a gana e outo, Kisiandra a risibí un aña di seguro ‘super all risk’ pa kortesia di Nagico Insurances Curaçao i 500 florin na gasolin. Tambe Volkswagen a perkurá pa un weekend-stay na Santa Barbara Resort pa e por relahá despues di e temporada di Karnaval.

Ku e premio aki no solamente Volkswagen Curaçao ta sostené e jump-in Hak’e, pero prinsipalmente e selebrashon kultural mas grandioso di nos isla, nos dushi Karnaval. Komo patrosinadó prinsipal Volkswagen ta mira bèk riba dos dia di festival sumamente eksitoso i un kolaborashon plasentero ku Hak’e.

Por wak e resúmen di e jump-in riba e página di Facebook: @vwcuracao