Un eksperto finansiero di bishita na un estadia pa mucha? Na promé instante kisas esaki ta parse un kombinashon straño. Pero bastanté lihé e mayornan presente a komprondé motibu di e bishita: kuminsá spar awor pa estudio di e beibi- i chikitinnan no ta solamente un bon eskoho, sino asta un eskoho nesesario.

Den futuro hopi kos ta bai kambia pa loke ta beka di estudio di parti di gobièrnu.  No ta asina sigur mas ku pa tempu ku e beibinan di awor ta bai studia, ainda tin kontribushon di gobièrnu. Si un yu ke bai studia, e lo tin mester di un kontribushon supstansial di su mayornan. Of di un banko  (ku ta kobra un interés ku ta kuadra aserka). Hopi mayor lo no por afòrt e sumanan akí den un bia.

Eksperto finansiero Angelique de Jong rápidamente a pinta un imágen di e senario, pa loke ta e desaroyo riba  tereno di finansiamentu di estudio durante e añanan ku a pasa. El a splika tambe kiko mayornan posiblemente por spera pa futuro. El a mustra kuantu un estudio ta kosta promedio, i a splika ku ta sabí pa kuminsá spar awor. Pasó mas trempan bo kuminsá spar, mas abou e kontribushon mensual ta pa bo por forma un kapital kompletu pa estudio.

De Jong a trese e plan pa estudio di ENNIA dilanti: un seguro nobo ku pa mayornan tin bentahanan atraktivo den komparashon ku otro produktonan di spar riba merkado.

E plan pa estudio ta duna un kapital garantisá riba fecha final, ku un interés fiho relativamente haltu.  Ademas den kaso di invalides òf fayesementu di e mayor òf e persona ku ta kuida e yu, ENNIA ta sigui paga e prima.

Hopi mayor no tabata na altura di e desaroyonan pa loke ta finansiamentu di estudio. Pues e reunión akí  sigur sigur a kontribuí na e noshon ku ta nesesario pa kuminsá spar awor, pa studiamentu por sigui ta un opshon pa e muchanan akí.

Mas informashon tokante e plan pa Estudio di ENNIA bo por haña riba ennia.com.