Un deseo di hopi tempu di mucha a materialisá

WILLEMSTAD – Miéntras ku ya den fin di siman por a tira un bista i sinti e ambiente, ta djamars atardi a habri e atrakshon nobo Kidi’s Park den e sentro di kompra Sambil. E notisia a kore rápidamente ku e sitio a habri su portanan i tantu djasabra komo djadumingu un fluho grandi di hóben – i nan mayornan – a bin atmirá e atrakshon hubenil nobo aki. A tuma mas tempu pa e por a habri, pero hustamente p’esei e espektativanan tabata muchu mas haltu.

E tema di e parke di rekreo bou di dak ta Laman di Karibe – ku tur su diferente piskánan i otro kriaturanan di laman, manera sekat, refnan, etc. Siman pasá a finalisá un serio di atrakshon kaminda den liñanan grandi muchanan di e edat entre 32 pa 12 aña i dependiente di nan largura por dibertí. A pone hopi atenshon na seguridat di e muchanan ora nan ta hasi uso di e diferente elementonan. Na e espasio aki serka di e entrada Barbara Beach tin supervishon, pero e mayornan, welanan i otronan ku ta guia e muchanan mes konstantemente mester tene un bon bista riba nan krionan.

Ku un toke festivo djamars atardi a habri Kidi’s Park den presensia di gerensia i staf di Sambil ofisialmente, kòrtando e sinta. Despues e adultonan por a opservá kon e muchanan tabata gosa un bòl na e atrakshon nobo.