Sra. Anusca Hoepel a bai pa gan’é !

WILLEMSTAD/ Sèptèmber – “Un otro outo a bai, un otro kurason kontentu”, esaki tabata ekspreshon di ehekutivonan di Carnaval Casino na momentu di brinda pa outo #69, un KIA Cerato nobo nobo ku Sra. Anusca Hoepel a gana djabièrnè anochi. Sra. Anusca Hoepel a risibí e sorpresa di su bida na momentu ku e mashin di ‘Win a Car’ a zona pa anunsiá ku e KIA Cerato a wòrdu ganá; na promé instante Sra. Hoepel no a pensa ku ta e a gana, te ora ku ehekutivonan di Carnaval Casino a aserk’é ku e tradishonal kèlkinan di shampaña. “Mi a bin, p’ami bai kuné”, tabata su ekspreshon di felisidat. Masha Pabien na Sra. Anusca Hoepel ku su KIA Cerato nobo nobo! Riba fotonan athuntu por haña un impreshon di e momentu ku a brinda ku e kèlkinan di shampaña i asina selebrá e momentu. Carnaval Casino ta felisitá Sra. Anusca Hoepel ku su outo nobo. Masha Pabien!