Jeanella Salbagh- Antonia a bai kuné!

WILLEMSTAD/ YÜNI 2015 – Espektativanan pa e di 100 outo tabata haltísimo; e siman aki a reina un entusiasmo grandi. Outo #99 i #100 a bai den e mesun siman! Sra. Jeanella Salbagh-Antonia ta pendiente pa risibí su outo, pero e mester karga djis un tiki mas pasenshi ya ku entrega di e outo lo tuma lugá djarason dia 17 di yüni próksimo. Ta preparando un seremonia spesial. For di 2010 Carnaval Casino ta dunando e oportunidat di gana un outo nobo, pues outo #100 lo wòrdu kompañá ku un selebrashon tur afó! “Tur ku purba suerte na e mashin ‘Mystery Jackpot/ Win A Car’ i saka e kombinashon ganador tin chèns gana un outo. E outo aki ta spesial”, esaki di akuerdo ku ehekutivonan di e casino.

Resientemente Sra. Jeanella Salbagh-Antonia bibá na Kòrsou a gana e di 100 KIA Cerato Koup. Loke ta hasi esaki aun mas eksitante ta ku e’la gan’é riba su kumpleaño. Despues di rekreá un ratu purbando ku únikamente $0,40 sèn e mashin a saka e zonidonan popular pa anunsiá ku Sra. Salbagh-Antonia a gana e KIA Cerato Koup full ekipá. Mesora ehekutivonan di Carnaval Casino a aserká pa brinda ku shampaña i selebrá e momentu spesial. Masha pabien na Sra. Salbagh-Antonia.