Ta aktivá ‘delivery’ grátis, pedido ‘online’ i ‘drive-thru’:
WILLEMSTAD- Despues di tabata pa kasi un luna será, pueblo di Kòrsou por bolbe disfrutá di su KFC!
Entrante djárason awó, dia 29 di aprel lo habri ‘Drive-thru’ di tur KFC na Kòrsou, i ta aktivá pedido ‘Online’ i via Whatsapp. Tambe, KFC ta introdusí su servisio di entrega te na kas. E restorant a bin ta traha duru riba su plataforma ‘online’ i por anunsiá ku entrante djárason por hasi pedido ‘online’ via di www.kfc.cw.
Pidi bo KFC fásil i lihé Online of via WhatsApp!
Miéntras pueblo di Kòrsou ta kustumbrá ku e ‘normal nobo’ komo konsekuensia di COVID-19, KFC komo empresa tambe a bin ta hasi ahustenan pa tòg por sigui operá bou di e sirkunstansianan aktual. Den esaki kreatividat i inovashon ta hunga un ròl masha importante. Durante di e ultimo simannan a bin ta traha deligentemente pa desaroyá www.kfc.cw di manera ku klientenan por hasi nan pedidonan ‘online’ i tambe via WhatsApp +5999 4612077. E plataforma digital ta kompletamente outomatisá. Asina por menshoná ku unabes e kliente agregá e number den su lista di kontakto, e mester djis bisa ‘hi’, òf ‘order’ pa e por inisiá su pedido.
Delivery grátis:
E wèpsait ta figurá un menú adaptá inkluyendo tur e faboritonan di KFC i e Colonel Bucket Deal den promoshon èkstra. KFC su servisio di ‘delivery’ lo ta grátis den barionan ku ta den serkania di KFC Saliña i Sta. Maria. Klientenan por hasi pedido for di 12’or di mèrdia pa 6’or di atardi, i lo hasi entrega te ku 7’or di anochi.
Drive-Thru i Orario adaptá:
Tuma nota ku KFC lo tin orario adaptá for di awe i te ku un próksimo aviso. KFC lo ta habrí di djaluna pa djasabra for di 12’or di mèrdia pa 7’or di anochi. Klientenan ku tin plachi di dia por hasi uso di ‘drive-thru’ den e oranan menshoná na tur KFC riba nos isla! KFC ta mantené protokòl di prevenshon i protekshon pa tantu empleado- i klientenan di KFC. Pa mas informashon, tokante kon KFC ta atendé ku medidanan di prevenshon den e trayekto di COVID19, i pa promoshon i produktonan di KFC por bishitá nan página di Facebook https://www.facebook.com/KFCCuracao/ òf e wèpsait www.kfc.cw.