Ta deseá hopi éksito na Showbizz International

Yanüari, 2015 – WILLEMSTAD:  Tabata resientemente ku Showbizz International a divulgá e plannan pa e proyekto “Viva La Musica Latina Curaçao 2015”. E konsierto ku lo tuma lugá den luna di Mei próksimo a konta ku un entusiasmo total entre invitadonan i medionan di komunikashon ku tabata presente p’asina sera konosí ku e mega proyekto i e line-up impreshonante ku lo keda presentá durante e dos dianan di konsierto. “Dia ku nos a wòrdu aserká pa forma parti di e proyekto nos a mira mesora hopi potensial i na mes momentu tambe a disidí ku nos lo pone nos skouder bou di e proyekto i asina sostené e organisashon den realisashon di e promé  edishon di “Viva La Musica Latina Curaçao 2015”, esaki di akuerdo Sr. Randy Maurera. “Konsiderando ku nos restorantnan ta hopi kerí den e komunidat latino residensiá aki na Kòrsou, tantu KFC, Subway i Pizza Hut lo tin algun oferta atraktivo i un kampaña ku lo kompañá e trayekto di promoshon na kaminda pa “Viva La Musica Latina Curaçao 2015”, asina Sr. Randy Maurera a sigui splika. Showbizz International a prepará un kartelera di artista tur afó ku lo duna nan presentashon riba dos anochi ku aksènt riba músika tropikal. Lo por bai disfrutá di konsiertonan di e.o Olga Tañon, Gilberto Sta. Rosa, Jose Alberto El Canario i muchu mas. Ya ta algun aña ku Kòrsou no tin un konsierto dediká spesífikamente na e género musikal latino (merengue, salsa, bachata, vallenato), ku e proyekto aki Kòrsou ta wòrdu posishoná un bes mas komo un isla yen di vibrashon musikal i ambiente sin igual. “KFC, Subway i Pizza Hut ta masha kontentu di por forma parti di e proyekto komo branding partner i ta deseá Showbizz International hopi éksito”, asina Sr. Randy Maurera a finalisá.

Tokante  “Viva La Musica Latina Curaçao 2015”:

Lo tin riba esenario durante di dos anochi, shete artista. E konsierto lo tuma lugá riba lugar di parker di Sambil riba e anochinan di 29 ku 30 di Mei próksimo. Artistanan ku lo presentá: Olga Tañon, Alberto Barros, Gilbero Sta. Rosa, Jose Alberto El Canario, Gran Combo de Puerto Rico, Jorge Celedon i Guaco. Riba dia 29 di Mei ta kuminsá 8’or di anochi i dia 30 di Mei e konsierto lo kuminsá 7:30PM. Entrada ta stipulá na 350 florin pa tur 2 anochi i 200 florin pa kada anochi respektivamente, esei pa tur esnan ku no ta deseá di kumpra un pakete di 2 anochi.