Despues e fiesta ta kontinuá na KFC Sta. Maria!

Willemstad- Novèmber -2013; Djasabra awó ta e dia! Muchanan di Kòrsou ta kontentu ku yegada di Sanikolas i Subway, Pizza Hut i KFC a prepará engrande pa selebrá e dia aki huntu ku nan. Tur 3 restorant di HUCOR Holding ta hasi un kontribushon signifikante na e proyekto ‘E Yegada di Sanikolas’, esaki mes ta motibu sufisiente pa e tres maskotanan, Subway su Subman, KFC su Chicky i Pizza Hut su Pizza Man forma parti di e totalidat. “Muchanan ta enkantá e maskota nan, aña pasá nan tabata un hit total pues e aña aki nan tey un biaha mas pa saka potrèt i animá tur mucha presente riba Brionplein durante di e aktividat pa yama Sanikolas bon bini- despues e fiesta ta kontinuá na KFC Sta. Maria”, esaki di akuerdo ku representante di Hucor Holding, Sr. Randy Maurera. For di den oranan trempan di mainta restorantnan di Subway, Pizza Hut i KFC na Brionplein lo ta habri ku diferente promoshon atraktivo djasabra awó. KFC lo ofresé un ‘Sint Kids Meal’ ku lo konsistí di 1 pida galiña òf 2 strips òf 4 nuggets, un batata chikitu, un limonada fria chikitu i un mijter di Sanikolas. E oferta aki ta balido na KFC Brionplein i na Sta. Maria riba dia 16 di Novèmber. Pizza Hut, tambe tin tremendo oferta únikamente balido na Brionplein; risibí un personal pizza di 1 ‘topping’, un limonada fria chikitu i un mijter di Sanikolas, amantenan di Subway tambe por ta kontentu, ya ku Subway ta ofresé su ‘Kids Deal’ únikamente balido pa djasabra dia 16 di Novèmber na Brionplein. E ‘Kids Deal’ ta inkluí un 3” sèntwich, un kuki, un limonada fria chikitu i un mijter di Sanikolas. Ku tur promoshon pa e dia di yegada di Sanikolas, ta risibí un mijter grátis- mayornan por kumpra e mijter lòs tambe na Subway, Pizza Hut i KFC na Brionplein pa 1 florin. HUCOR Holding i su restorantnan Subway, Pizza Hut i KFC ta invitá tur mucha pa e ‘Yegada di Sanikolas’ for di 8:30 di mainta. Despues di e aktividat na Brionplein, Sanikolas lo bishitá KFC na Sta. Maria. Tur mucha ta keda invitá pa huntu ku nan mayornan saka potrèt i pasa un mèrdia kontentu disfrutando di músika, bouncers, un show di Sint & Piet i tambe saboriá nan KFC ‘Sint Kids Meal’. Durante di e mèrdia aki tambe por kumpra e mijternan di Sanikolas pa 1 florin.