Nos a drenta temporada di fin di aña atrobe i tambe temporada di Gaita i Aguinaldo. Pa stimulá e dushi ambiente aki Kas di Kultura ta organisá un aktividat kaminda gruponan di tantu Gaita komo Aguinaldo lo duna un presentashon tur afó pa hinter komunidat di Kòrsou. Djadumingu awor 10 di novèmber, 6 grupo di Gaita i Aguinaldo lo deleitá e públiko riba Plasa Brion, kuminsando for di 5or di atardi. Un i tur ta keda invitá pa bin mira i skucha Los Paranderos, Paranda di Navidad, Gaiteros Vaqueros Grandes, Los Cariñitos, Dushi Sorpresa i tambe Los Originales. Bin Plasa Brion di 5or di atardi te 9or di anochi i disfrutá di dushi ambiente di Gaita i Aguinaldo. Kas di Kultura ta invitá bo.