WILLEMSTAD – Segun historiadónan, e fiesta di karnaval a keda trese pa Amérika dor di nabegantenan spañó i portugues for di siglo XV.  Na momento ku bo bai mas profundo den e selebrashon aki, por konstatá ku su inisio ta  for di e pueblonan Sumerio, Egipto i e Imperio Romano,  for di unda esaki a ekspandé pa Europa. Ounke originalmente e ta un fiesta ligá na tradishon kristian,  despues di tempu suidadanonan di diferente kultura  religionnan a aportá nan kustumbernan lokal i a hinka nan propio kosnan aden.  Ta p’esei, awendia por bisa ku e selebrashon aki un dje esnanan ku ta konta ku mas partisipashon na mundu, kaminda hendenan di tur klase sosial ta meskla ku otro. Ta definitivo ku e filosofia di karnaval tei pa selebrá e gana di biba i hari. Konsulado di Venezuela na Kòrsou ta selebrá bida den kada un di e aktividatnan aki ku ta bai tuma lugá., kaminda ta kontribuí na un mihó kalidat di bida, atraves di diferente aktividat ku tin di haber ku kosnan sosial, kultural i edukativo. E dos último áreanan aki, esta kultural i edukativo ta keda bon ehekutá pa Instituto Venezolano di Kultura i Koperashon. Nos mishon ta konta ku aliadonan sosial ku ta hunga un ròl importante na momento ku mester ehekutá proyektonan ku ta aktividat den e marko di selebrashon di karnaval di e aña aki, esta Karnaval Enkuentro Multikultural. Dor di esaki, un biaha mas riba e tereno ku ta propiedat di Estado Venezolano ku ta keda na Sta. Helena, na altura di Weg naar Welgelegen  entre e kayanan Nikibokoweg i Wecoewaweg,  lo tin un stent di empresarionan i institushonnan ku ta esnan ku ta bai hasi e  proposishon di Mishon Konsular un realidat. Fuera di e tratadonan ku tin na vigor di interkambio kultural i di koperashon den diferente área entre Venezuela i Kòrsou,  e motor prinsipal ku ta pusha e proyekto  e aña aki ta sinta den tres aspekto prinsipal.:

• Promoshon di e rèspèt i toleransia di e multikulturalridat
• Promoshon pa kuido i rèspèt pa nos planeta i
• Promové e ayudo sosial, basa riba e pashon ku tin pa e parti aki di Karibe kombiná ku e deboshon ku ta trahando pa e futuro di e pais aki ku tur amor. Konsulado di Venezuela na Kòrsou, Refineria Isla, Janssen de Jong, Rumbera Network Distribier, Famia Plania, ZAP, SGR-Group ta e organisashonnan ku lo ta den nan respektivo stentnan i ku ta duna apoyo na e aktividat. Ta bon pa menshoná na e mes un momento nan kontribushon di un pida spesial pa personanan ku hèndikèp físiko, pero tambe pa prensa di Kòrsou i tambe Internashonal. E último aki ta hunga un ròl importante den promoshon di  e fiestanan tan importante pa e pueblo di Kòrsou. E aña aki e grupo di negoshi i institushonnan na kua a duna un espasio pa traha nan stent riba e tereno ku ta pertenesé na Venezuela, lo ta padrino di un proyekto sosial pa entre otro Kinderoorden Brakkeput, Casa Manita, Huize Sint Josef, Huize Rose Pelletier y Betesda,. E tipo di proyektonan aki ta masha importante mes pa negoshinan lokal i institutonan bini huntu pa asina ei entre amigunan sigui traha riba futuro di Kòrsou. Ban rekordá un frase di e kansion ku e gran Celia Cruz a yega di kanta: “La bida es un Karnaval y es mas fácil vivir cantando”.