Kick off pa RBC The Eagles Wechi Run 2015 

Pa di tres aña konsekutivo RBC ta e orguyoso spònser di e kareda di kaya i mondi na Wechi. Un kareda ku ta habrí ku diferente distansia pa tur esnan ku ke kana i kore. Distansia di kana ta 7 kilometer i pa kore tin diferente distansia pa diferente edat, kuminsando for di 700 meter pa un distansia te ku 7 kilometer. The Eagles huntu ku RBC, e spònser prinsipal di e Kareda di Wechi/Wechi Run, a tene un rueda di prensa pa anunsiá e kareda di e aña aki. E kareda ta tuma lugá djadumingu dia 13 di sèptèmber 2015. Manera ta kustumber, e atletanan por sera konosí ku e ruta i entrená riba e ruta dia 10 di sèptèmber. Tur klup di atletisimo ta bon biní pa partisipá i kompetí. Por inskribí na SDK dianan 7 i 8 di sèptèmber (5-7 PM) i na Wechi dia 10 di sèptèmber (5:00-6:30PM. Inskripshon ta sera dia 11 di sèptèmber. Banda di esaki por registrá na Vista Bike i na kantor nan di RBC (St. Maria i Rooi Catootje). Hoben te ku 20 aña ta paga 5 florin i esnan riba 20 aña ta paga 10 florin. Partisipantenan ta risibí un number na registrashon djadumingu mainta. For di 5:30 AM por mèldu na kuminsamentu di e kareda. Tur partisipante ta risibí awa a lo largo di e ruta i un energy drink na final. RBC i The Eagles ta invitá tur hende pa partisipá na e kareda tradishonal Wechi Run. Sigui nos riba Facebook i keda altanto di e desaroyo di The Eagles (The Eagles Runner) i RBC The Eagles Wechi Run 2015. Pa kualkier pregunta por tuma kontakto ku Sydney Valks na 5691759.