WILLEMSTAD– Ougùstùs – Tabata djarason último ku Renaissance Aruba Resort a lansa e ‘track’ nobo di e popular deejay arubano Nutzbeats, esaki den antisipashon di e próksimo Electric Festival den luna di sèptèmber. Ademas di esaki a lansa un kampaña entre Nutzbeats, Starbucks Kòrsou i Starbucks Aruba. Durante di e evento di djarason último na Aruba, públiko por a disfrutá di e refresko dediká na e kampaña, e  ‘Go Nutz Frappuccino’ ku lo ta optenibel tantu na Kòrsou komo Aruba pa un tempu limitá. Únikamente durante e temporada na kaminda pa Electric Festival 2014 ku lo tuma lugá dia 3 te ku 7 di Sèptèmber próksimo. Pa duna realse na e Electric Music Festival, Renaissance Resort huntu ku Starbucks Aruba/ Kòrsou i tambe Nutsbeatz a lansa e Electric Festival Social Media Contest- esaki durante 1 luna largu. E kompetensia aki ta duna klientenan di Starbucks i amantenan di músika elektróniko oportunidat di gana entre otro, T-shirt di Nutzbeats, desayuno diario durante 1 siman na Starbucks i entrada eksklusivo pa e Renaissance Aruba Electric Festival Pool Party.  Pa partisipá ta fásil djis saka un ‘selfie’ cu e cardboard cutout di Nutzbeatz bebiendo su ‘Go Nutz Frappuccino’ i  post e riba Instagram of Facebook uzando e hashtag #Nutz4RenAruba. Tur djabièrnè lo saka 2 ganador ku lo wòrdu anunsiá riba e página di Facebook di Renaissance Aruba i Kòrsou. Durante e último siman promé ku e Electric Festival lo saka 2 ganador tur dia. Durante e luna lo repartí karchinan di “Song Pick of the Month” ku ta brinda un link riba kua e klientenan i huéspetnan por download Nutzbeatz su “On the road to EF 2014” grátis. Esnan ku ta interes den kumpra karchi pa e Electric Festival 2014, por hasi esaki awor na Starbucks Kòrsou.