Resientemente na Amsterdam – Hulanda, Karavan di Arte  bou di inisiativa di Sr. Runny Margarita a invitá diferente artista pa eksponé nan arte na Dappershuis. Na e sitio aki por tene charla, eksposishon di kuadronan di pintura, workshòpnan i hopi mas.

Ku orguyo nos ta partisipá ku nos yu di Kòrsou Druusje Jansen a haña invitashon di Sr. Runny Margarita pa eksponé su kuadronan i tambe a regalá un buki di poesia. E publikashon di e buki aki a tuma lugá na Hulanda. Druusje Jansen ta konosí aki na Kòrsou pa su tantísimo talentonan: pintora, eskritora, deklamadora i presentadó di e sekshon di motivashon ku Druusje na kanal 13 TvDirect.

Entre e artistanan ku tambe a eksponé nan arte i demàs invitadonan tabata presente Minister Plenipotensiario Carlson Manuel.

Nos ta deseá Druusje Jansen tur klase di èksito den su karera artístiko.