Willemstad – E kantika nobo nobo “Hala Un Rosea” di Shamiro Anita ya a bira un hit riba internet ku a alkansa mas di 40 mil Play’s, mientras ku Shamiro preparando su konsierto titula “Hala Un Rosea” ku lo tuma luga dia 13 augustus den WTC.

Den un tempu rѐkòrt di 1 luna ya e kantika aki ta bayendo ku skor haltu riba internet pa loke ta e kantidat di hende ku ta skuchando e kantika aki riba e website internashonal di musika soundcloud. Por mira e skor rѐkòrt riba:   https://soundcloud.com/shamiro-anita/hala-un-rosea

E mensahe di e kantika “Hala Un Rosea” ta mustra ku den bida sa pasa kos ku ta pone nos hansha, rabia, desmotiva, kunsumi, spanta, bira tristu, kai den depreshon, sinti nos insigur, etc. Ku e kantika nobo aki Shamiro ta motiva i rekorda nos pa den un kaso asina nos mester Keda Trankil, Hala Un Rosea, Hasi Orashon i Dios lo yuda.

Pueblo sigur lo disfruta di Shamiro su kantika nobo “Hala Un Rosea” live huntu ku muchu mas den su Gran Fundraising Konsierto kombina ku shownan espektakular. Por solisitá e kantika nobo aki na radio emisoranan na Kòrsou, Aruba, Bonaire I Hulanda. Tambe por skuche riba e website soundcloud. Karchi pa e konsierto ya optenibel na Mensing, Kas di Beibel, Tik Tak, Beep Beep I 24 Uur Uit de Muur.

Shamiro su orashon ta pa Henter Kòrsou por keda trankil paso Dios ta kompletamente den kòntròl di tur lokual ta pasando. Di kurason, Shamiro ta spera ku mas i mas hende lo sigui ser toka, animá i bendishona ku e kantika nobo aki. E ta hasi un invitashon na tur mucha, hoben I adulto pa bin kanta “Hala Un Rosea”, Move Tur Montaña, Kalma e Tormenta, Brasa So Mi Ke, Esta Un Dushi Dia I hopi mas huntu kune de WTC di 13 augustus.