The Carribean Festival of Creative Arts ta esei ta CARIFESTA !

Na 1972 tabatín e promé Carífesta . Ta un idea ku a nase na Guyana durante di un konferensia di eskritor- i artistanan ku a pensa ku lo ta bon pa tur aña tin un evento di arte di Caribe . Artistanan di rònt Caribe ta bin huntu pa interkambiá nan talentonan riba tereno di musika , baile , kanto , literatura , arte plástiko , obranan di man , drama , pelikula ets .Ya ta di 11 bia e ta tuma lugá , e promé aña tabata na Guyana (1972) , despues tabatín na Barbados , Cuba , Trinidad & Tobago ( 3x ) , St Kitts & Nevis  i Surnam ( 2x)!! E meta ta pa fortalese e identifikashon di Caribensenan i ta boga pa  Union entre e paísnan den Caribe. Hopi di e paísnan tabata kolonianan ku a pasa mesun eksperensia i konsekuensianan. E mester bira un selebrashon di ta Orguyoso di Bo més Kultura !! Ta papia tambe di e dianan di Carifesta riba  futuro i di ideanan nobo den arte !! Gobierno di Surnam a invertí ( pa organisa Carifesta 2013 ) ,más di 5 mion U.S. $ ku ta mas di 17.000.000 dollar Surnameño !! E eventonan ta konsentrá mas tantu den Paramaribo , pero tambe tin aktividatnan  den otro distritonan na Surnam !! Djasabra anochi e apertura a tuma lugá dilanti e Palasio Presidensial ku a sirbi komo bunita background pa e espektakulo di apertura ! E anochi aki tabatín asistensia di un multitut di hende di ront Caribe i e habitantenan di Surnam … un fiesta Surnameño .. TOTAL !!! Aki Surnam a laga tur hende mira e rikesa kultural ku nan tin !! Na baile , kanto , drama i otro ekspreshonnan !! Un show di lus impreshonante ku partisipashon di e diferente desendientenan di e diferente rasanan ku ta forma e pueblo di SURNAM !! Kanal 80 ta moviendo di Skina Pa Skina na SURNAM , pa despues laga tur hende mira partinan di Carifesta 2013 !!! Kanal 80 ta gradísí ésnan ku a yuda kontribuí  pa kubri parti di e gastunan : T.D.S. ( Sr. Gomes ) , Gobierno di Korsou ( Departamentu pa Kultura i Deporte , Sra Sambo i Sra Getrouw ) , Sr Gregory Elías ( Fundashon Bon Intenshon ) i CURINDE ( Sra Jacqueine Jansen )  !!! Si nó ta pa nan Kanal 80 lo NO por a yega Surnam pa Carífesta !! Dichoso ta e wowonan ku ta mira Kanal 80 !!!!!