Kompras na balor di 1000 florin i un Samsung S4

WILLEMSTAD/ DECEMBER 2013:- Digicel ta sigui hasi su klientenan felis e temporada aki; Manera tur hende sá, durante di e fin di aña aki Digicel ta regalando un kantidat grandi di premio na pueblo di Kòrsou, entre nan plaka kèsh, diferente otro produkto i tambe ‘sakunan’ di kompra na balornan signifikante. Tabata djaluna mainta ku e di dos grupo di ganadornan di e kampaña a bishitá Digicel Biesheuvel pa risibí nan premio. Sr. Manuel Pereira por shòp den Centrum Supermarket sin prekupashon ya ku e’la gana Nafl. 1,000 na kompras. E úniko kos ku Sr. Pereira mester a hasi ta, rekargá su kuenta ku 10 florin òf mas i ya kaba e tabata partisipando pa gana e ‘Saku di Kompra pa Pasku’ na Centrum Supermarket. Sra. Marianneke di Centrum Supermarket a hasi entrega di e premio na Sr. Pereira. Ademas di esaki tambe a saka e premio semanal di e promoshon ‘Kiko tin den e Saku?’- tabata Annelot Isenia ku a gana su Galaxy S4 dor di SMS e montante ku eta kere e saku ta bal na 7171. Kada siman lo saka un ganador i na final di e kampaña lo saka e ganador absoluto di e Saku. Tin hopi premio mas pa wòrdu ganá, no pèrdè bo oportunidat di bira un felis ganador! Gana premio tur siman dor di sea, rekargá ku 10 florin òf mas, aktivá un pakete One Rate, rei e balor di e saku di Papa Pasku i SMS na 7171 òf kumpra 50 florin òf mas na kualkier establesimentu di Digicel. Kòrda bishitá e página di Facebook di Digicel na unda ku bo ta haña e tipnan nesesario pa yudabo den e búskeda di e Nafl. 20,000 kèsh den e saku di Papa Pasku ku ta pèrdí! Tambe por skucha e “clue”-nan semanal na Radio Direct Life 92 i Radio Mas 99, tambe mira nan tur djarason den notisia na CBA televishon i TeleCuraçao. E ultimo clue pa e buskeda di e saku lo pasa e siman aki den notisia, por haña un resúmen di tur e “clue”-nan riba e pagina di Facebook di Digicel. Dia 16 di Desèmber lo saka e 6 finalistanan ku lo partisipá na e búskeda di e saku. Riba fotonan athuntu, momentu ku Sra. Annelot Isenia ta risibí su Galaxy S4 for di Srta. Thessa Fleming di Digicel i momentu ku Sr. Manuel Pereira ta risibí su premio for di representante di Centrum Supermarket. Masha Pabien!