Willemstad –  Nos ta den temporada di kuaresma, e temporada di kombershon i Pastor Guillermo di Parokia San Hudas Tadeo (Zuid Bonam) huntu ku komishon di evangelisashon a prepará diferente kaminda di krus riba e fecha nan: 21 i 28 di mart, 4 i 11 di aprel 2014, den e bario di Bonam pa asina motivá nos pueblo i bisa nan ku DIOS TA AMOR. Dia 28 di mart a inkorporá un grupo di kanto pa asina trese kantikanan spiritual i alabansa bou di e kaminda di krus aki i naturalmente ta invitá tur habitante di no solamente di e bario, pero henter komunidat pa tuma parti na e kaminda di krus aki i asina rekordá e sufrimentu di Hesus pa pordon di piká i duna nos e legria di salbashon. Pa e okashon aki (dia 28 di mart ) ta pidi un i tur si por presentá den trahe blanku i ku lus (flashlight òf bela). Santa Eukaristia 6.30 or na Misa.  Despues 7or ta sali pa kaminda di krus na Kolegio Iris Bruyning, sigui pa Kaya Edgar (Gachi) Supriano i terminá na Kunuku Mai Jana kasi na final di e kaya  Edgar (Gachi) Supriano # 134. Nos ta konta riba bo presensia.