E próksimo wikènt  nos  ta organisá dos tremendo evenemento na parke Shete, kaminda nos ta brinda e partisipantenan e oportunidat pa bishita e bokanan relativamente  deskonosí. Djasabra 15 novèmber  lo tin un kaminata i djadumingu dia 16 di novèmber un paseo di baiskel. Tur dos evenemento ta kuminsá entre 6.30 i 8.00 na Boka Wandomi. For di einan e routa lo kontiuá pa Boka Kortelein, Boka Mansalina, Boka Djegu, Dos Boka i Un Boka. E routa ta mas o ménos 10 km. Ta nesesario pa bini ku sapatu adekuá pa e kaminata i pa e paseo di baiskel un bon moutainbike. Nos ta rekomendáa pa usa protekshon kontra di solo i bini ku un bòter di awa. Durante di e routa lo tin algun  puntonan  kaminda por yena awa.  Na e puntonan lo duna informashon na e amantenan di naturalesa  tokante di  flora i fauna di e area. Karchinan ta optenibel nj Carmabi, Parke kristòf, Shete Boka, Sol food of Albert Heijn pa solamente 15,- ANG.  E karchi no ta solamente pa e entrada, pero tin chens di gana premionan atraktivo manera un pasashi pa  Boneiru di  Insel air,  un sena pa dos persona di Sol food  i dos biaha un  jeepsafari pa  4 persona. Aktualmente trabounanan duru ta wordú  hasí na  Shete Boka pa konstruí un entrada nobo  i edifisio pa tualètnan nobo. Lo ke ta hasi e edefisio aki partikular ta ku e ta parsialmente trahá di bòter. Tur fondo di e evenemento lo bai pa hasi e edifisio mas aksesibel pa personanan ku un desabilidat físiko. Pa informashon di e evenemento por yama  8640170 of 8640363. Of  wak nos  facebook página di Shete Boka.