BECEL, TCFM, Lions Club, Universal Motors KIA i MCB ta kumpli ku Curaçao Heart Foundation

WILLEMSTAD – Djadumingu dia 27 di ougùstùs 2017 Moises de Marchena & Sons agente di Becel a tene e eksitoso kaminata pa di seis aña konsekutivo “Ban Move Awor” e kaminata patrosiná pa BECEL, TCFM, Curaçao Lions Club, Universal Motors KIA i Maduro & Curiel’s Bank tin komo meta pa yuda konsientisá komunidat di Kòrsou, kon importante moveshon ta pa e kurason, e salú i alabes pa yuda Curaçao Heart Foundation.

E aña aki mas ku 2000 hende a koperá i partisipá na “Ban Move Awor”. Komo balor agregá, partisipantenan tabatin e oportunidat pa midi nan preshon promé ku kuminsá kana. E kaminata “Ban Move Awor” a generá NAf. 25.000,– pa Curaçao Heart Foundation. Ku e donashon aki Curaçao Heart Foundation por sigui ku e bunita trabou ku nan a bin ta hasi pa e komunidat di Kòrsou, manera  entre otro kursonan esensial pa prepará nos hendenan yuda skapa bida.  Gerensia di Moises de Marchena & Sons ta gradisí e spònsernan Universal Motors KIA, Maduro & Curiel’s Bank, Curaçao Lions Club i TCFM ku a djòin BECEL den e bunita proyekto di “Ban Move Awor”. Tambe na Curaçaosche Atletiek Bond pa guia e kaminata i naturalmente tur esnan ku a koperá pa e kaminata “Ban Move Awor” tabata unu eksitoso.