WILLEMSTAD- Djadumingu dia 25 di ougùstùs último Moises de Marchena & Sons agente di Becel a organisá e kaminata “Ban move awor” pa yuda konsientisá komunidat di Kòrsou kon importante moveshon ta pa e kurason, e salú  i alabes yuda Curaçaosche Hartstichting. Mas o ménos 2000 hende a koperá i kumpra t-shirt di e kaminata “Ban Move Awor” patrosiná pa BECEL, KIA, Maduro & Curiel’s Bank, Lions Club i TCFM ku ‘E Bon Yu di Kòrsou’. Partisipantenan a haña un oportunidat úniko pa midi nan preshon promé ku kuminsá kana.  E kaminata “Ban Move Awor” a yuda generá NAf. 25.000,– pa Curaçaosche  Hartstichting. Fondonan ku a generá ta NAf 15.000,- i miembronan di Lions Club tambe a generá NAf. 10.000 dor di benta di t-shirt. Ku e donashon aki Curaçaosche Hartstichting por sigui ku e bunita trabou ku nan a bin ta hasi pa e komunidat di Kòrsou. Entre otro preparando hopi hende ku kursonan esensial ku por yuda skapa bida. Gerensia di Moises de Marchena & Sons ta gradisí e spònsernan KIA, Maduro & Curiel’s Bank, Lions Club i TCFM ku ‘E Bon Yu di Kòrsou” ku a djòin BECEL den e bunita proyekto di “Ban move awor”, Curaçao Atletiek Bond pa guia e kaminata i naturalmente tur e 2000 hendenan ku a koperá pa e kaminata “Ban Move Awor” tabata unu super eksitoso.