Pa medio di esaki Kas di Kultura kier informá ku entrante djaluna 23 di desèmber 2013 te ku dia 5 di yanüari 2014, tur persona, instansha òf establesimentu ku kier pidi pèrmit pa presentashon di aguinaldo òf  tambú, mester hasi esaki direktamente na warda di polis na Rio Canario, ‘Bureau Bijzondere Wetten’. Kas di Kultura kier kòrda tur hende pa hiba e ‘zegel’ di fl. 5,- na momentu ku ta bai hasi e petishon pa pèrmit. For di dia 6 di yanüari 2014 por hasi petishon di pèrmit pa aguinaldo òf tambú via Kas di Kultura atrobe. Kas di Kultura ta deseá hinter pueblo di Kòrsou felis dianan di fiesta. I un aña 2014 yená ku hopi bendishon. Kas di Kultura e motor pa desaroyo duradero!!!!