Sr. Samson a gana $500 riba su tarheta di krédito nobo

WILLEMSTAD:  Manera ya ta konosí, resientemente Banco di Caribe a kambia su tarhetanan di krédito pa unu ku chep.  Den e trayekto di kambio,  a duna tur kliente ku a kambia nan tarheta entre 19 di yüni i 1 di yüli e oportunidat pa partisipá den un kampaña ku chèns pa gana $500 riba nan tarheta di krédito nobo.  E ganador a resultá sr. Samson, un kliente di hopi aña na Banco di Caribe. Masha Pabien!

Benefisionan

Tantu e tarheta di krédito i e MultiCard di Banco di Caribe awor tin un chep ku ta brinda e kliente èkstra seguridat ora ku ta us’é na un mashin di pago òf ATM. E tarhetanan nobo a keda ku e usual strepi magnétiko na e parti patras  i awor tin e teknologia di EMV chep tambe p’asina sigurá ku por usa esaki rònt mundu.  Ku e tarheta di krédito ku chep klientenan lo risibí ‘cash-back’ mensual riba tur transakshon,  eksepto ora lanta sèn via di un ATM. Aparte di hasi pagonan ‘online’, e kliente  por mira su saldo di kuenta na tur ATM ku ta pèrmití esaki. Ademas, e kliente por apliká pa e sistema di SMS Alert grátis kaminda e kliente ta risibí un mensahe riba su telefon despues di kada transakshon lokal òf internashonal ku e hasi ku su tarheta di krédito. Esaki outomátikamente ta subi e grado di seguridat di e karchi i ta duna e kliente e posibilidat di kontrolá kada transakshon.

Si ainda tin persona ku no a kambia nan tarheta di krédito òf MultiCard pa unu ku chep, por hasi esaki te dia 11 di ougùstùs próksimo na branch na Saliña. Pa mas informashon tokante e proseso di kambio di tarhetanan di krédito òf MultiCard, por bishitá e wèpsait di Banco di Caribe òf yama na telefon 432 3200.