Riba e último djasabra diaña

WILLEMSTAD –  Riba e último djasabra di aña, Juni & The Bolero Legends lo duna un konsierto bailabel na Renaissance Mall & Rif Fort. Algun luna pasá, a tene presentashon di un otro konstelashon di Juni & The Legends, ku a resultá masha éksito; debí na asina tantu petishon Renaissance Curacao Resort ta kumpli! Definitivamente un anochi yen di klásiko i ku algun legendario ku a bin ta interpretá bolero di un manera inolvidabel.

Juni & The Bolero Legends lo figurá presentashon di Mafalda Minguel, Melania v/d Veen, Dennis Cecilia, Romeo Heyer, Anthony Pieters, Juni Juliet kantando boleronan di oro.  Djasabra dia 29 di desèmber próksimo lo ta un anochi yen di rekuerdo. E konsierto bailabel lo kuminsá eksaktamente 8’or di anochi.  Ta invitá tur amante di bolero pa kumpra nan karchi na balor di únikamente 10 florin na tur establesimentu di F&B na Riffort Village.

Fin di Aña na Renaissance:

Ademas di Juni & The Bolero Legends,Renaissance Curaçao Resort a prepará un skema di evento ku sigur lo permitibo disfrutá di un kambio di aña tur afó. Dia 31 di desèmber lo tin e New Year’s Eve Dinner Buffet ku entretenimentu di Aisha Lucas na Nautilus, i mas lat pa 11:30PM un  Late Beach Party ku entretenimentu di Axel & Friends na Infinity Beach Club. Selebrá e kambio pa 2019 ku e New Year’s Eve Dinner ku entretenimentu di Juni Juliet den Atrium. Dia 1 di yanüari 2019,  Nautilus lo tin su popular New Year’s Brunch Buffet ku entretenimentu di Juni Juliet i mas anochi e New Years Dinner Buffet. Pone bo mes na altura di tur detaye riba e pagina di Facebook di Renaissance Mall & Rif Fort. No lubidá; tin WiFi i parkeo grátis pa tur kliente. Felis dianan di fiesta!