Despues di un eksitoso jump-in aña pasa ku tabata “sold out” grupo di karnaval ViVa huntu ku SVB lo oranisa un bia mas un tremendo jump-in. E lo tuma luga djabierne 6 di februari  riba parkerplaats di SVB I lo kuminsa 8or di anochi i termina 2or di marduga. E tema di e jump-in lo ta “MEDICI”. Ta un tema saka for di e trahe ku ViVa lo presenta kune den gran marcha. Musika ta na enkargo di NSTY PLY, ERA, GIO, DREAMS I dj Argenis Huerta. Sin duda e rey of reina di tumba tambe lo tey. Karchinan ta optenibel pa Naf. 65 inkluyendo un t-shirt serka tur miembro di ViVa. Lo tin un bar habri, pues bo ta yega na bar i tuma kos di bebe sin korda riba e potmoni. Lo tin un tremendo kushina ku kos di kome, entre e otro ya e famoso pan ku karko,  na un bon preis, manera b’a kustuma kaba. Tambe nos a soru pa segurida pa bo outo ya ku lo transforma stadion di rif den un luga di parker ku seguridat. Pa solamente 5 florin bo outo lo ta save den kura sera. Durante di entrega di t-shirt lo bende e karchinan pa parker. Karchinan ya ta riba merkado serka tur miembro di ViVa of por yama na numbernan di telefon. 516-3840, 511-5853 i na e numbernan di SVB 434-4751, 434-4438 of 434-4711 durante oranan di ofisina. For di aki Grupo ViVa ke desea un i tur un felis karnaval 2015.