Na Renaissance Ocean Front Park
WILLEMSTAD – Ya a kuminsá sinti e kalentura di karnaval; diferente grupo ya a estrená nan trahe i bandanan musikal ya tin un grupo pa bai Gran Marcha kuné. Wind Creek Curaçao, ta duna un aksènt diferente i karitativo na e temporada. Dia 11 di novèmber ta presentá “Jump-In Get Ready, Stay Ready..”, ku presentashon di ERA, Happy Peanuts, i DJ RO-1 ku lo tuma lugá na Renaissance Ocean Front Park i ta kuminsá 8’or di anochi. Tur loke keda rekoudá ta bai pa un bon kousa!
E aktividat spesial aki ta wòrdu organisá partikularmente pa selebrá 5 aniversario di Wind Creek Curaçao komo parti di Wind Creek Hospitality. Komo parti di e selebrashon a organisá diferente aktividat pa empleadonan. Un di e balornan fundamental di Wind Creek Hospitality ta pa duna bek na e komunidat den kual e ta establesí, i esaki e ta hasi den tur merkado. Kòrsou no ta un eksepshon. Ta p’esei ta mas ku lógiko ku ta inkluí un evento karitativo den e selebrashon. Ya kaba ta risibiendo fantástiko kolaborashon di algun partner, i ta spera ku vários mas lo djòin.
Registrá bo fundashon pa e donashon:
E fundashon/organisashon non-profit ku ke risibi un donashon mester registrá. Manda un email na windcreekcharity@curacaorenaissance.com. Mester inkluí; nòmber di e fundashon/organisashon non-profit, e meta di e fundashon/organisashon non-profit, i e motibu pa kual bo ta meresé e donashon. Un tim di ehekutivo di Renaissance Wind Creek lo hasi e selekshon final i lo determiná kua fundashon/organisashon non-profit lo risibi e donashon. Por manda bo motivashon te ku 30 di Novèmber.
Keda pendiente pa un kampaña spesial riba social media relashoná ku e grandioso Jump-In aki. Pa awòki, si bo tambe ke disfrutá di un ambiente tur afó i alabes kontribuí ku un bon kousa, kumpra bo karchi na balor di 75 florin, e ta inkluí bo “Get Ready, Stay Ready” t-shirt, 2 bebida i 1 pasa boka. Karchinan ta optenibel na Wind Creek Carnival Casino tur dia di 10am te 12am. Pa mas informashon por yama nos na 4355089.
Facebook.com/RenaissanceCuracao, instagram.com/rencuracao