WILLEMSTAD,Djaweps 12 desèmber ta bai tin e estreno di e obra teatral nobo “Pandora’s Box”. Un produkshon di Teatro Luna Blou i La Tentashon. Pandora’s Box aña pasa a sali Promé finalista for di e kompetensha di Festival Historia Nobo 2012 E ta skibi pa Michelle Thielman i e obra a wòrdu dirigí dor di e yu di Kòrsou ku ta triunfando na Hulanda,  Raymi Sambo. Raymi ta un aktor di teater, pelíkula i alabes e ta un direktor di teater. E la gana diferente premio na Hulanda komo mihó aktor, Direktor i e tin su mes organisashon teatral V.I.G. Raymi tur aña ta bin Kòrsou pa duna bek na nos komunidat. E ta prepará hóben aktornan di La Tentashon pa asina krese nan konosementu teatral. Pandora’s Box: Jolanda (Lilimar Valencia)ta un mucha muhé hopi lif pero su outoestima ta hopi abou. Neka (Francesza Pedro) ta  e mihó amiga di Jolanda. Neka huntu ku Broertje ( Raywerth Cardoze) ta plania pa laga Jolanda ku Kevin (Juendrick Boeldak) sera konosí ku otro. Pero Kevin tin un trouma. E ta pensa malu so di hende muhé, pa motibu di su mama ku a bandon’é tempu ku e tabata chikí. Djahuebs 12 di desember den La Tentashon pa shet’or di anochi na La Tentashon. RBC Royal Bank ta invitá tur hende pa no pèrdè e tremendo obra aki. 12 desèmber na La Tentashon pa solamente Nafl 15,-. Optenibel na takia di Teatro Luna Blou. Pa mas informashon por yama 4622209. Bo por bishita nos página wèp. www.latentashon.com òf tira un bista riba facebook: la tentashon.