Si tin un fiesta ku no mester di niun introdukshon na Kòrsou aki ta Jetset Party. Un fiesta úniko den su forma. Karchinan di Early Bird ta kaba semper riba e mesun dia ku nan sali. No tin VIP den e fiesta aki pasó ta ambiente ta para central. Tur hende tinku bisti na pretu i ta na porta nan ta haña asesorio di koló. E chèri riba e bolo ta e famoso ‘Hora Loca’. Otro siman Djasabra promé di Yuni ta e gran dia pa otro edishon di Jetset Party den Riffort Village. Animashon lo ta na enkargo e biaha aki di Dreams Original ku Richie Rich, Gigi, Igmar La Reine i Ray Lauffer, GENTZ, Highway Band, DJ RO-1 i Chris Strick. Wak pa bo no pèrdè e ambiente aki.