Despues ku djamars 24 Maart 2020 pa motibunan diplomatiko fuera di nos alkanse ku nos pilotonan a haña instrukshon di toren di kontrol na Sto. Domingo faltando 10 minuut pa aterisa ku nan no por aterisa i mester a bira bek, djarason 25 Maart 2020 Jetair a logra ehekuta e “Relieve Flight” i asina trese nos yunan di tera kas bek kual tabata tin algun dia pega na Sto. Domingo debi ku nan buelonan di regreso ku otro aerolineanan a wordu kansela.
Jetair a ehekuta e buelo aki a petishon di pasajeronan i instansianan pa asina duna un aporte na nos komunidat den e tempu difísil aki ku Korsou i hinter mundu ta pasando aden debi na e virus COVID-19.
Jetair kier a gradisi departamentu di aviashon di Korsou (CCAA) i oficina di turismo (CTB) ku tambe a duna nan aporte pa asina por e realisa e buelo aki.