Djabierne tabata un grato dia pa e famia di Aruba Airlines di por a risibi nos propio avión CRJ-200, fabrica door di e compania Bombardier cu un capacidad di 50 asiento y garantiza un compartimento di equipaje mas espacioso cu e actual CRJ pa acomoda 50 maleta di size normaal na un peso di 23 kg kada un.

Después di mas o menos 1 anja di negosashon nan extenso Aruba Airlines a logra su meta pa reemplasa e CRJ actual cu ta un wetlease di Voyager Airlines di Canada pa su propio CRJ-200.

E CRJ-200 tin un registrashon di P4 dus cu ta kai bow di responsabilidad di Aviashon Civil di Aruba.

Cu esaki Aruba Airlines ta habri un gran posibilidad pa por emplea piloto y mecánico nan lokaal. Actualmente nos tin nos cabina personal local pero cu pilotonan Canades riba e leased CRJ, y arriba e CRJ nobo ta bai presencia nos propio personal di Cockpit como tambe cabina personal nan lokaal.

Prome cu e CRJ nobo por cuminsa eherce vuelonan, lo tin cu cumpli cu algún requisitonan mara na leinan di aviashon p.e. proving runs, touch and go’s etc etc.

E avión tin cu wordu certifica pa por hasi su vuelo nan comercial cu ta e vuelo nan entre otro Aruba – Curacao y Bonaire, trahando ariba destinashon nan nobo cu lo wordu anuncia después.

Tambe Aruba Airlines ta en espera di e apertura di frontera cu Venezuela pa por eherce e destinashon di Las Piedras y posiblemente Barquisimeto.

Un poko historia di e CRJ, Un total di 1026 CRJ-200 a wordu fabrica entre e anja nan 1991-2006 door di e compañía Bombardier Aero Space Canada y ta wordu hopi usa pa servicio regiónal dus di un estado pa otro estado den país nan manera North America y Europa.

Aruba Airlines ta hopi satisfecho con e comunidad di Aruba a respalda e compañía y apresia e tipo di avión aki y nos ta spera di por sigui conta cu e apoyo risibi pa cu nos servicio.

“ BE OUR GUEST “