JCI Willemstad ta un organisashon lokal non-profit ku ta konsistí di miembronan entre 18 i 40 aña ku ta traha pa trese impakto positivo den komunidat. JCI Willemstad ta forma parti di e organisashon nashonal JCI Dutch Caribbean i ta miembro di Junior Chamber International.

JCI Willemstad a lansa e proyekto “Adopt a school”. Meta di e proyekto aki ta pa duna un man na un skol di fundeshi ku tin mester di yudansa. Hopi skol di fundeshi a wòrdu rekomendá i konsiderá pa haña yudansa na fisika di e edifisio. E kriteria primordial pa eskoho ta ku e area mester ta unu ku e alumnonan di e skol ta usa.

Despues di evaluashon kritiko basá riba kriterianan tokante nesesidat, rekurso, sirkunstansia ets. Prof. Dr.I.C. Van Houteschool a wòrdu skohé. E ehekushon di e proyekto a kuminsa resientemente. Den kaso di Prof. Dr.I.C. Van Houteschool a rekomenda pa renoba e bañonan.

Nos di JCI Willemstad ta sumamente kontentu ku pa e aña eskolar nobo, e alumnonan por tin un baño renobá.
Tambe nos ke enfatisá ku e intenshon ta pa e proyekto aki ta unu sustenibel. Teniendo esei na kuenta, pronto e tramite nan lo kuminsa pa ku e aña eskolar nobo pa asina duna un man na mas skol ku mester di yudansa di renobashon.

E proyekto aki no por a wordu realisa sin yudansa di nos spònsornan. JCI Willemstad kier gradisi i yama danki na spònsornan di e proyekto, komo ku sin nan partisipashon e proyekto aki lo no tabata posibel. E spònsornan di e proyekto “Adopt a School” ta:
Active Chance Foundation
Centrale Bank of Curaçao and Sint Maarten
Kooyman
Korpodeko
Maduro and Curiel’s Bank
Techniek & Design
Vidanova

I tambe nos kier a yama danki na nos kontratista, Nera Construction i e empresa di limpiesa Videmi Services.