Manera ta e tradishon pa 30 aña kaba, e aña aki un bes mas JCI Willemstad a duna atenshon na e promé beibi ku a nase. E aña aki Fundashon Duna Lusta yama bon biní nae yu muhe Heavenly Neuman na mundu. El a nase awe merdia13:16pm ku e peso di 2995 gram i e midí di 46.5 cm. Su orguyoso mayornan ta mama Denaliz Adriana i tata Ademar Neuman. Un legria inmenso a reina, na momentu ku partera Schotborg asisti pa zusternanArchangel i Sommer a yuda trese e beibi na mundu.

Bishita

Direktiva di JCI Willemstad, ku sosten di algun patrosinadó, a sorpresá mayornan i yu ku varios regalo. Un bes mas JCI Willemstad a konta ku aporte di Curaçao Food Tradeku ta ofrese e “Official Pampers Baby di 2016” un aña largu Pampers i un pakete ku artíkulo di uso. Say Cheese Photography (antes Foto Studio Kort) a regala un bale pa saka potrèt i Highlight Enterprices a regala artíkulonan di uso pa yu i un gift card. Tambe Pietersz Distribustion,reprersentante di e marka Huggies, a ofresé na e prome beibi un pakete ku artikulonan di Huggies.Spònsernan nobo ku nos por a konta ku ne e aña akii ku tambe a ofrese un regalo ta: Superkidz, Freeport Jewelers iMini Me.Banda di tur e artíkulonan aki, serka JCI Willemstad e beibi ta risibí un bunita plakat komo rekuèrdodi ta e promé yu di aña. Aparte di tur e regalonan, mayornan di e beibi a risibi un buki tokante lechi di pechudi parti Fundashon Lechi di Mama.

Miembronan di direktiva di JCI Willemstad a bishitá e mayornan na Fundashon Duna Lus pa felisitá e famia di e beibi i a hasi entrega di tur e regalonan. Presidente di JCI Willemstad, Charyllu Ignecia, a ekspresá su legria ku yegada di e beibi i tambe a duna felisitashon na su mayornan. Un danki speshal ta bai na tur spònsernan ku ta karga ku e proyekto aki i tambe na Fundashon Duna Lus pa e hospitalidat.

JCI Willemstad

JCI Willemstad ku su 54 aña di eksistensia no ta un organisashon deskonosi na Kòrsou. E ta un organisashon “non-profit” ku ta enfoká riba liderazgo i formashon di personanan entre 18 i 40 aña. E mishon di JCI ta pa kontribuí na desaroyo global di nos komunidat dunando hóbennan e oportunidat pa desaroyá nan abilidat di liderazgo i responsabilidat sosial nesesario pa asina krea kambionan positivo.

JCI Willemstad te deseá pueblo di Korsou un aña 2016 yená ku prosperidat i tur klase di éxito.