Siman pasá djaweps a estrená Bon Bini: Judeska In Da House na Kòrsou, i mesora esaki a bira un éksito i asina a resultá number 1 komo pelíkula ku mas a mira. Jandino Asporaat lo regresá Kòrsou dia 22 di yüni pa bishitá The Movies na Otrabanda durante un evento spesial pa selebrá e éksito.

Jandino Asporaat tampoko no a skapa e krisis di korona. Grabashon di esena grandi i na sitionan eksótiko di Bon Bini Holland 3, su pelíkula nobo, mester a keda kanselá pa tempu indefiní. E kómiko di 40 aña no a pèrdè pa gana i mesora a konsiderá un proyekto mas práktiko i alkansabel: ún sitio i menos dia di grabashon. Bon Bini Judeska in Da House sin duda mester a bira un realidat.
Pa motibu di ensiero (lockdown) Judeska ta resultá serka un famia riku. Durante dos siman e atversarionan mester hila ku otro. Moral di e obra ta: ‘Tantu Judeska komo e famia ta boga pa un Hulanda ku nan stima i ku semper lo apoyá. Finalmente nan mester sobrebibí tempunan difísil. Pa por logra, mester traha man na man. Mi ta spera ku kada unu ku mira e pelíkula, sali ku e mensahe akí. Ta huntu ta logra.’

Orario: 8:00 p.m. (VIP) i 8.30 p.m. Entrada ta optenibel via www.themoviescuracao.com/otrobanda òf na kasa di teater.