ORANJESTAD: Despues di hopi speculacion, e lansamento oficial di “Aruba Island Take Over” a tuma luga durante un rueda di prensa na oficina di Fun Miles Korsou. Nos islanan lo conoce un festival cu lo ‘take over’ e isla di Aruba pa 4 dia yena cu fiestanan, ‘happy hours’ y un mega concierto. Ta trata aki di u di e conciertonan di  mas grandi den historia di Aruba cu presentacion J. Balvin, Bad Bunny, Alex Sensation y Jeon. Diabierna awor na Fun Miles lo bende un cantidad limita di “Early Bird” tickets tanto den e seccion general como standing vip.

Di November 1 pa November 4 2018, Aruba Island Take Over lo ta e anfitrion di entre otro un welcome party, Aruba Ariba happy hour, pool party, beach party, boat party como tambe e concierto di aña.“Nos ta orguyoso di por anuncia cu pa prome biaha e artista JEON lo comparti escenario cu J.Balvin y Bad Bunny na Aruba!”, asina e representante di Aruba Island Take Over, Mark Benson Denz a anuncia durante e conferencia. E conocido Alex Sensation tambe lo ta parti di e evento. Fun Miles lo ta e partner oficial na Korsou pa por cumpra ticket. Pa esnan cu kier mesa por jama  519-2929.

Korsou ta invita pa biaha pa Aruba pa a e 4 dianan aki. Ta recomenda tur hende si pa reserva nan biahe directamente cu aerolinea of tuma contacto cu agente di biahe prefer.

Tanto e DJnan como tambe e artistanan grandi cu lo t’ey ta un atraccion riba nan mes pa grandi y esunnan mas hoben cu ta bin bishita Aruba, banda di e mezcla di genero musical manera reggaeton, urban, house music y techno entre otro, cu tambe e turistanan lo por disfruta di dje durante e “Aruba Island Take Over”. Entre otro ariba diasabra lo tin un tremendo Pool y Beach Party presenta pa EF y Partai. Aki por mira con e mundo urbano ta topa cu esun electronico den un festival.

E prome edicion di Aruba Island Take Over (AITO) ta presenta pa Aruba Tourism Authority (ATA), Aruba Trading Company, SETAR N.V., Elite Empire Entertainment, EF, Aruba Marriot Resort, Top Drive, Hilton Aruba Caribbean, Hyatt Regency Aruba Resort, Fun Miles, Renaissance Aruba Resort y Super Car Rental.

Pa mas informacion, line-up di artista, compra di tickets y mas bishita www.islandtakeover.com of www.facebook.com/islandtakeover.