Ken no conoce Izaline Calister? Un cantante di Curasoleño, cu a cosecha exito no solamente den Antias y Aruba, pero sigur na Europa, Indonesia, Merca y Sur America. E tambe lo bay tey, hunto cu comediantenan Howard Komproe, Jetty Mathurin y Everon Jackson Hooi, den e Caribbean Edition di “De Lulverhalen”, diasabra awo, diabierna awor 7 di April den Cas di Cultura.

E artistanan lo bay tey dunando e publico loke nan tin mester: yen di diversion. De Lulverhalen lo bay bin cu su toke di humor masculino, formando asina un formula gigantesco cu ta garantisa un anochi fabuloso di diversion.

Izalin tin hopi amistad na Aruba y E ta pensa hopi riba e calor y hopi harimento. Cu Lulverhalen, el a splica cu e tabata hopi entusiasma di ta participando, pero na e mesun momento, e ta haye un tiki eng. Pasobra nunca el a wordo pidi pa haci algo cu no tin di haber cu cantamento. Pero na alabes, e ta haye exitante. E ta un reto.

Un sorpresa, ta loke Izaline a bisa, di loke tin cu spera for di Lulverhalen. Una bes cu e telon habri, por mira 4 talento peculiar cu lo wordo uni den un solo anochi. Cada un ta bon den loke e por. Tur ta conta su propio storia riba su propio manera y riba e anochi aki, e audiencia ta haya di tur: De Lulverhalen.

Prome biaha cu Izaline a cuminsa cu su carera tabata su prome aña den Conservatorium, cual, segun e mes ta conta, tabata un regalo píe mes. En realidad e tabata studiando bedrijfskunde y kier a haci algo cu musica. Dus el a regala su mes un aña largo musica. Pero despues di e aña ey, e no kier a stop. El a pensa cu simplemente esey ta algo loke e tabata kier y a duna su mes tres aña mas y si e por biba despues di e tres añanan aki, ta un señal, cu musica ta loke ta destina píe.

For di un comienso caba el a pensa cu tabata un bon momento pa cuminsa cu musica. Eric Calmes tabata un gran inspiracion píe, pa motibo cu el a lage scucha e diferente estilo di musica Curasoleño y tambe estilonan di jazz. Esey a dunía Izaline hopi confianza den su mes y realmente un boost. Tambe Richard Bona, kende tabata canta den su propio idioma y tabata haci su propio mescla di estilo di musica. Tambe Dianne Reeves, kende tabata uza hopi influencia Cubano Africano y Brazilero. Esey tabata un confirmacion cu e tabata riba un bon caminda.

Izaline Calister ta druk bezig haciendo musica pa teatro di dansa internacional pa un presentacion di baile moderno. Fuera di esey e ta compone pa varios show. Su show mes Latin Diva lo bay den un reprise, mirando cu e ta constantemente ocupa den teatro.